قازاقستاننىڭ باس سانيتار دارىگەرى جاڭا قاۋلىعا قول قويدى. قۇجات تۇماۋ, جرۆي جانە COVID-19 ينفەكتسيياسىنىڭ تارالۋىن بولدىرماۋعا باعىتتالعان, دەپ حابارلايدى Shalqar.kz.

قاۋلىعا سايكەس, 15 قىركۇيەكتەن باستاپ ەلىمىزدە تۇماۋعا قارسى ۆاكتسينا سالۋ ناۋقانى باستالادى. مەديتسينالىق ۇيىمداردا دەزينفەكتسييا شارالارى كۇشەيتىلەدى. ال 1 قازاننان باستاپ بارلىق مەديتسينالىق ۇيىمداردىڭ مەديتسينا قىزمەتكەرلەرىنە ماسكا تاعۋ رەجيمى ەنگىزىلەدى.

سونداي-اق, تۇماۋ, جرۆي جانە COVID-19 بەلگىلەرى بار جۇكتى ايەلدەر مەن بىر جاسقا دەيىنگى بالالارعا دارىگەرلەردىڭ ۇيگە كەلۋ شاقىرۋى بىرىنشى كەزەكتە قامتاماسىز ەتىلەدى.

بالاباقشالاردا تاڭەرتەڭ بالالاردىڭ جاعدايى تەكسەرىلىپ, تۇماۋ, جرۆي نەمەسە COVID-19 بەلگىلەرى بايقالعان جاعدايدا ولار توپتان وقشاۋلانادى. ال مەكتەپتەردە بىر سىنىپتىڭ 20-30% وقۋشىسى جرۆي-مەن اۋىرعان جاعدايدا كابينەتتە وقىتۋ توقتاتىلىپ, 10 كۇن بويى جاڭا وقۋشىلاردى قابىلداۋعا تىيىم سالىنادى.

قاۋلى قول قويىلعان كۇننەن باستاپ كۇشىنە ەنەدى.