Qazaqstannıñ bas sanitar därigeri jaña qaulığa qol qoydı. Qwjat twmau, JRVI jäne COVID-19 infekciyasınıñ taraluın boldırmauğa bağıttalğan, dep habarlaydı Shalqar.kz.

Qaulığa säykes, 15 qırküyekten bastap elimizde twmauğa qarsı vakcina salu nauqanı bastaladı. Medicinalıq wyımdarda dezinfekciya şaraları küşeytiledi. Al 1 qazannan bastap barlıq medicinalıq wyımdardıñ medicina qızmetkerlerine maska tağu rejimi engiziledi.

Sonday-aq, twmau, JRVI jäne COVID-19 belgileri bar jükti äyelder men bir jasqa deyingi balalarğa därigerlerdiñ üyge kelu şaqıruı birinşi kezekte qamtamasız etiledi.

Balabaqşalarda tañerteñ balalardıñ jağdayı tekserilip, twmau, JRVI nemese COVID-19 belgileri bayqalğan jağdayda olar toptan oqşaulanadı. Al mektepterde bir sınıptıñ 20-30% oquşısı JRVI-men auırğan jağdayda kabinette oqıtu toqtatılıp, 10 kün boyı jaña oquşılardı qabıldauğa tıyım salınadı.

Qaulı qol qoyılğan künnen bastap küşine enedi.