الماتىدا قالا ىشىندە قاتىناعان ەسكى اۆتوبۋستار مەن تروللەيبۋستار تەمىر-تەرسەك رەتىندە ساتىلۋدا. اۋكتسيونعا بارلىعى 166 كولىك قويىلعان. ساۋداعا شىعۋ تۋرالى حابارلاما ەلەكتروندى ساۋدا الاڭىندا جارييالاندى, دەپ حابارلايدى Shalqar.kz.

لوتتىڭ باستاپقى باعاسى 37,6 ميلليون تەڭگە بولىپ بەلگىلەنگەن. قوعامدىق كولىكتەردىڭ پايدالانۋعا جارامسىز بولۋىنا بايلانىستى ولاردى قايتا وڭدەۋگە وتكىزبەك. ايتا كەتەيىك, اۆتوبۋستار مەن تروللەيبۋستار 2008 جىلى ساتىپ الىنعان.

قازىرگى تاڭدا بۇل كولىكتەر الماتى وبلىسىندا ساقتاۋلى تۇر. ەسكى قوعامدىق كولىكتەردى ساتۋدى “الماتىەلەكتروترانس” جشس ۇيىمداستىرعان. كومپانييا ديرەكتورى الەكساندر بەيسەمبيەۆتىڭ ايتۋىنشا, بۇل شەشىم كومپانييانىڭ جالعىز قاتىسۋشىسىنىڭ 2024 جىلعى 4 قىركۇيەكتەگى قاۋلىسى نەگىزىندە قابىلدانعان. اۋكتسيون 2 قىركۇيەك كۇنى ساعات 10:00-دە باستالادى.

ساتىپ الۋشى كولىكتەردى وزى الىپ شىعۋعا مىندەتتى. سونىمەن قاتار, ولاردى قويما اۋماعىندا بولشەكتەۋگە رۇقسات جوق. كولىكتەر اشىق اسپان استىندا ساقتالىپ تۇر.