SpaceX және Tesla компанияларының басшысы Илон Маск әлем елдеріндегі туу көрсеткіштерін көрсететін картаны жариялады. Ол Дүниежүзілік банк пен Statista деректеріне негізделген. Маск бұл картаны өзінің X әлеуметтік желісіндегі парақшасында бөлісті, деп хабарлайды Shalqar.kz.

Карта 2023 жылғы статистикаға сүйенген. Онда әр елдегі бір әйелден дүниеге келетін балалардың орташа саны көрсетіліп, мемлекеттер түрлі түстермен белгіленген:

 • қара-көк – 4 және одан жоғары;

 • көк – 3,0-3,9 (Қазақстан осы түспен белгіленген);

 • ашық көк – 2,0-2,9;

 • қызғылт – 1,0-1,9;

 • қызыл – 1,0-ден төмен, бұл елдер демографиялық дағдарысқа ұшырағанын көрсетеді.

Статистикаға сәйкес, ең жоғары туу көрсеткіші Африка мемлекеттерінде тіркелген. Ал Еуропа, Шығыс Азия және Солтүстік Америка елдерінде көрсеткіш айтарлықтай төмен деңгейде қалып отыр.