SpaceX جانە Tesla كومپانييالارىنىڭ باسشىسى يلون ماسك الەم ەلدەرىندەگى تۋۋ كورسەتكىشتەرىن كورسەتەتىن كارتانى جارييالادى. ول دۇنيەجۇزىلىك بانك پەن Statista دەرەكتەرىنە نەگىزدەلگەن. ماسك بۇل كارتانى وزىنىڭ X الەۋمەتتىك جەلىسىندەگى پاراقشاسىندا بولىستى, دەپ حابارلايدى Shalqar.kz.

كارتا 2023 جىلعى ستاتيستيكاعا سۇيەنگەن. وندا ار ەلدەگى بىر ايەلدەن دۇنيەگە كەلەتىن بالالاردىڭ ورتاشا سانى كورسەتىلىپ, مەملەكەتتەر تۇرلى تۇستەرمەن بەلگىلەنگەن:

 • قارا-كوك – 4 جانە ودان جوعارى;

 • كوك – 3,0-3,9 (قازاقستان وسى تۇسپەن بەلگىلەنگەن);

 • اشىق كوك – 2,0-2,9;

 • قىزعىلت – 1,0-1,9;

 • قىزىل – 1,0-دەن تومەن, بۇل ەلدەر دەموگرافييالىق داعدارىسقا ۇشىراعانىن كورسەتەدى.

ستاتيستيكاعا سايكەس, ەڭ جوعارى تۋۋ كورسەتكىشى افريكا مەملەكەتتەرىندە تىركەلگەن. ال ەۋروپا, شىعىس ازييا جانە سولتۇستىك امەريكا ەلدەرىندە كورسەتكىش ايتارلىقتاي تومەن دەڭگەيدە قالىپ وتىر.