Ауғанстанда күшті жер сілкінісі тіркеліп, салдарынан 500-ден астам адам қаза тапты. Магнитудасы 6,0 балға жеткен зілзала Джелалабад қаласының маңында болды, деп хабарлайды Shalqar.kz.

Еуропа-Жерорта теңізі сейсмологиялық орталығының (EMSC) мәліметінше, дүмпу шамамен 200 мың тұрғыны бар Джелалабадтан 50 шақырым қашықтықта, 10 шақырым тереңдікте тіркелген. АҚШ Геологиялық қызметінің дерегіне сүйенсек, жер сілкінісі Пәкістан шекарасына жақын аймақта болған. Алдын ала есеп бойынша 1000-нан астам адам жарақат алып, мыңдаған тұрғын баспанасыз қалды.