АҚШ билігі Палестина төлқұжатының иелеріне виза санаттарының көпшілігін беруді уақытша тоқтатты. Бұл шешім оқу, емделу, іссапар және туыстарына баруды жоспарлаған азаматтарға да әсер етуде, деп хабарлайды Shalqar.kz.

The New York Times мәліметінше, Дональд Трамп әкімшілігі қабылдаған бұл шара қонақ визаларының басым бөлігіне шектеу қойды. АҚШ Мемлекеттік департаменті жаңа ережелерді барлық елшіліктер мен консулдықтарға жолдағанымен, ресми себеп нақты көрсетілген жоқ. Дегенмен, бұрын виза алған палестиналықтарға бұл шектеулер қолданылмайды.

Сонымен қатар, Associated Press агенттігі Мемлекеттік департаменттің 55 миллионнан астам шетелдік азаматтың виза алу тарихын қайта тексеруді жоспарлап отырғанын хабарлады. Егер заңбұзушылықтар анықталса, виза иелерін елден шығару қаупі бар.