اقش بيلىگى پالەستينا تولقۇجاتىنىڭ يەلەرىنە ۆيزا ساناتتارىنىڭ كوپشىلىگىن بەرۋدى ۋاقىتشا توقتاتتى. بۇل شەشىم وقۋ, ەمدەلۋ, ىسساپار جانە تۋىستارىنا بارۋدى جوسپارلاعان ازاماتتارعا دا اسەر ەتۋدە, دەپ حابارلايدى Shalqar.kz.

The New York Times مالىمەتىنشە, دونالьد ترامپ اكىمشىلىگى قابىلداعان بۇل شارا قوناق ۆيزالارىنىڭ باسىم بولىگىنە شەكتەۋ قويدى. اقش مەملەكەتتىك دەپارتامەنتى جاڭا ەرەجەلەردى بارلىق ەلشىلىكتەر مەن كونسۋلدىقتارعا جولداعانىمەن, رەسمي سەبەپ ناقتى كورسەتىلگەن جوق. دەگەنمەن, بۇرىن ۆيزا العان پالەستينالىقتارعا بۇل شەكتەۋلەر قولدانىلمايدى.

سونىمەن قاتار, Associated Press اگەنتتىگى مەملەكەتتىك دەپارتامەنتتىڭ 55 ميلليوننان استام شەتەلدىك ازاماتتىڭ ۆيزا الۋ تاريحىن قايتا تەكسەرۋدى جوسپارلاپ وتىرعانىن حابارلادى. ەگەر زاڭبۇزۋشىلىقتار انىقتالسا, ۆيزا يەلەرىن ەلدەن شىعارۋ قاۋپى بار.