Qarjı ministrliginiñ Memlekettik kirister komiteti mobil'di audarımdardı baqılau jayında resmi tüsinikteme berdi. Vedomstvonıñ mälimdeuinşe, bwl şara qarapayım azamattarğa emes, tauar men qızmet aqısın zañsız türde jeke şotına qabıldap jürgen käsipkerlerge bağıttalğan. YAğni, bastama köleñkeli biznesti azaytuğa arnalğan, dep habarlaydı Shalqar.kz.

Salıq komitetiniñ aytuınşa, qarapayım adamdarğa alañdaudıñ qajeti joq: tuısqa, dosqa nemese bala-atağa bwrınğıday erkin aqşa audaruğa boladı. Tekseris tek naqtı jağdayda ğana jürgiziledi. Eger bir jeke twlğa üş ay qatarınan ay sayın 100 nemese odan da köp türli adamnan qarajat alsa, ol salıq organdarınıñ nazarınan tıs qalmaydı. Bwl rette audarım sanı emes, aqşa jibergen adamdardıñ sanı esepke alınadı.

Mwnday jağdayda azamattıñ derekteri bankter arqılı salıq organdarına jetkiziledi. Keyin memlekettik kirister organdarı kameraldıq baqılau jasap, qajet bolsa habarlama jiberedi. Eger azamat käsipker retinde tirkelgen bolsa, tiisti salıq eseptiligin tapsıruı tiis. Al tirkelmegen jağdayda jeke käsipker retinde esepke twrıp, tabısın deklaraciyağa engizip, 10% jeke tabıs salığın töleui qajet.

Sonımen birge, eger qarajat tek tuıstarınan nemese dostarınan tüsken bolsa, azamat tüsinikteme berip, habarlamamen kelispeuge qwqılı.