Алматыда өткен бокс кешінде жерлесіміз Балауса Мұздыман (8-0, 6 КО) кезекті жекпе-жегін өткізіп, әлем чемпионы атағын жеңіп алды. Ол Үндістандық Мамта Сингхпен (7-2-1, 4 КО) күш сынасып, айқын басымдықпен жеңіске жетті, деп хабарлайды Shalqar.kz.

Екінші жеңіл салмақта өткен титулдық кездесу әр раунды 2 минуттан есептеліп, жалпы 10 минутқа созылды. Жекпе-жек барысында Сингх бірнеше рет нокдаунға түсті. Ал шешуші сәт төртінші раундта орын алып, Мұздыман техникалық нокаутпен жеңісін түйіндеді.

Бұл жеңіс Балаусаның кәсіби рингтегі тоғызыншы жеңісі болып қана қоймай, оған UBO нұсқасы бойынша екінші жеңіл салмақтағы әлем чемпионы белбеуін сыйлады. Ал үндістандық боксшы Мамта Сингх кәсіби мансабындағы үшінші жеңілісін тіркеді.