Словенияда өтіп жатқан халықаралық Slovenia Nations Cup-2025 турнирінде Қазақстанның 19 жасқа дейінгі футбол құрамасы кезекті жеңісіне қол жеткізді. Жас ойыншыларымыз Шотландия құрамасын 2:1 есебімен жеңіп шықты, деп хабарлайды Shalqar.kz.

Матчта Қазақстан сапынан Исмаил Бекболат пен Азамат Туяқбаев мергендік танытса, қарсылас команданың жалғыз голын Джошуа Ландерс соқты.

Айта кетейік, бұған дейін Кирилл Кекер жаттықтыратын қазақстандықтар алғашқы ойында БАӘ құрамасын 5:1 есебімен ойсырата жеңген еді. Екі матч қатарынан жеңіске жеткен Қазақстан жасөспірімдері турнирдегі сенімді ойындарымен жанкүйерлерін қуантты.