2027 جىلعا دەيىن ەلىمىزدەگى مەكتەپ اۋماعىندا 100 شاعىن فۋتبول الاڭى بوي كوتەرمەك. بۇل باستاما حالىقارالىق فۋتبول قاۋىمداستىعى – FIFA-نىڭ ارنايى Arena جوباسى اياسىندا جۇزەگە اسپاق. جوبا بالالار مەن جاسوسپىرىمدەردىڭ سپورتقا دەگەن قىزىعۋشىلىعىن ارتتىرىپ, زاماناۋي ينفراقۇرىلىمعا تەڭ قولجەتىمدىلىك بەرۋدى كوزدەيدى, دەپ حابارلايدى Shalqar.kz.

مينيسترلىكتىڭ مالىمەتىنشە, قازاقستان الەم بويىنشا FIFA Arena جوباسىنا قول قويعان العاشقى مەملەكەتتەردىڭ بىرى بولدى. العاشقى فۋتبول الاڭدارى بيىلدىڭ وزىندە حرومتاۋ مەن كوكشەتاۋدا پايدالانۋعا بەرىلمەك. تولىق باعدارلاما 2027 جىلعا دەيىن اياقتالادى. جوبانى قازاقستان فۋتبول فەدەراتسيياسى تۋريزم جانە سپورت مينيسترلىگىنىڭ قولداۋىمەن جۇزەگە اسىرىپ وتىر.

ار الاڭ زاماناۋي FIFA ستاندارتىنا سايكەس سالىنادى: ۇزىندىعى – 40 مەتر, ەنى – 20 مەتر, جاڭا ۇلگىدەگى جاساندى جابىن توسەلەدى, قاقپاسى ورناتىلىپ, قورشاۋ پانەلьدەرى مەن قاۋىپسىزدىك تورلارى قاراستىرىلادى. مۇنداي امبەباپ قۇرىلىم مەكتەپ اۋلالارى مەن سپورت ايماقتارىنا ىڭعايلى تۇردە ورنالاستىرۋعا مۇمكىندىك بەرەدى.

جوبا اسىرەسە اۋىلدىق جەرلەر مەن شاعىن قالالارداعى مەكتەپتەردى قامتيدى. قارجىلاندىرۋدى FIFA وز موينىنا السا, ۇيىمداستىرۋ جۇمىستارىنا تۋريزم جانە سپورت مينيسترلىگى, وقۋ-اعارتۋ مينيسترلىگى جانە جەرگىلىكتى اكىمدىكتەر اتسالىسادى.

بۇگىندە فۋتبول ەلىمىزدەگى ەڭ بۇقارالىق سپورت تۇرىنە اينالدى: 1,1 ميلليوننان استام ادام جۇيەلى تۇردە دوپ تەبەدى. قازاقستاندا 7 مىڭنان اسا مەكتەپ الاڭى, 280 ستاديون, 148 مانەج, 400-دەن استام سپورت كەشەنى بار. ال كاسىبي دەڭگەيدە پرەمьەر-ليگادا 14 كلۋب ونەر كورسەتىپ جۇر. سونىمەن قاتار, 242 سپورت مەكتەبىندە 40 مىڭنان اسا جاس فۋتبولشى جاتتىعادى.

سوڭعى جىلدارى FIFA مەن ۋەفا قولداۋىمەن ەلىمىزدە بىرقاتار ىرى نىساندار پايدالانۋعا بەرىلدى. ولاردىڭ قاتارىندا – تالعاردا ۇلتتىق قۇرامالارعا ارنالعان وقۋ-جاتتىعۋ بازاسى, استاناداعى فۋتبول ۇيى مەن مانەج, شىمكەنتتەگى «بيىك» بازاسى جانە قوستانايداعى «توبىل» كلۋبىنىڭ مانەجى بار.