2027 jılğa deyin elimizdegi mektep aumağında 100 şağın futbol alañı boy kötermek. Bwl bastama Halıqaralıq futbol qauımdastığı – FIFA-nıñ arnayı Arena jobası ayasında jüzege aspaq. Joba balalar men jasöspirimderdiñ sportqa degen qızığuşılığın arttırıp, zamanaui infraqwrılımğa teñ qoljetimdilik berudi közdeydi, dep habarlaydı Shalqar.kz.

Ministrliktiñ mälimetinşe, Qazaqstan älem boyınşa FIFA Arena jobasına qol qoyğan alğaşqı memleketterdiñ biri boldı. Alğaşqı futbol alañdarı biıldıñ özinde Hromtau men Kökşetauda paydalanuğa berilmek. Tolıq bağdarlama 2027 jılğa deyin ayaqtaladı. Jobanı Qazaqstan futbol federaciyası Turizm jäne sport ministrliginiñ qoldauımen jüzege asırıp otır.

Är alañ zamanaui FIFA standartına säykes salınadı: wzındığı – 40 metr, eni – 20 metr, jaña ülgidegi jasandı jabın töseledi, qaqpası ornatılıp, qorşau panel'deri men qauipsizdik torları qarastırıladı. Mwnday ämbebap qwrılım mektep aulaları men sport aymaqtarına ıñğaylı türde ornalastıruğa mümkindik beredi.

Joba äsirese auıldıq jerler men şağın qalalardağı mektepterdi qamtidı. Qarjılandırudı FIFA öz moynına alsa, wyımdastıru jwmıstarına Turizm jäne sport ministrligi, Oqu-ağartu ministrligi jäne jergilikti äkimdikter atsalısadı.

Büginde futbol elimizdegi eñ bwqaralıq sport türine aynaldı: 1,1 millionnan astam adam jüyeli türde dop tebedi. Qazaqstanda 7 mıñnan asa mektep alañı, 280 stadion, 148 manej, 400-den astam sport keşeni bar. Al käsibi deñgeyde Prem'er-ligada 14 klub öner körsetip jür. Sonımen qatar, 242 sport mektebinde 40 mıñnan asa jas futbolşı jattığadı.

Soñğı jıldarı FIFA men UEFA qoldauımen elimizde birqatar iri nısandar paydalanuğa berildi. Olardıñ qatarında – Talğarda wlttıq qwramalarğa arnalğan oqu-jattığu bazası, Astanadağı Futbol üyi men manej, Şımkenttegi «Biik» bazası jäne Qostanaydağı «Tobıl» klubınıñ maneji bar.