Түркияның жүрегі – Анкарада 4,1 магнитудалы жер сілкінісі болды. Қала тұрғындары қатты дүрлігіп, үйлерінен сыртқа қашып шыққан. Жер сілкінісі Чанкая аймағында қатты сезілген. TRT мемлекеттік телерадиокомпаниясы маңындағы үйлердің тұрғындары да көшеге шығып кеткен, деп хабарлайды Shalqar.kz.

Әлеуметтік желілерде қала тұрғындарының дәмханалар мен сауда орталықтарынан асығыс шығып жатқан сәтін көрсеткен бейнежазбалар тарап жатыр. Дегенмен, ресми мәлімет бойынша қираулар немесе ауыр зардаптар байқалмаған.

Түркияның Апаттарды басқару басқармасының (AFAD) дерегінше, жер сілкінісінің ошағы Каледжик ауданында, 11 шақырымнан астам тереңдікте орналасқан. Қазіргі таңда жағдай бақылауда.