تۇركييانىڭ جۇرەگى – انكارادا 4,1 ماگنيتۋدالى جەر سىلكىنىسى بولدى. قالا تۇرعىندارى قاتتى دۇرلىگىپ, ۇيلەرىنەن سىرتقا قاشىپ شىققان. جەر سىلكىنىسى چانكايا ايماعىندا قاتتى سەزىلگەن. TRT مەملەكەتتىك تەلەراديوكومپانيياسى ماڭىنداعى ۇيلەردىڭ تۇرعىندارى دا كوشەگە شىعىپ كەتكەن, دەپ حابارلايدى Shalqar.kz.

الەۋمەتتىك جەلىلەردە قالا تۇرعىندارىنىڭ دامحانالار مەن ساۋدا ورتالىقتارىنان اسىعىس شىعىپ جاتقان ساتىن كورسەتكەن بەينەجازبالار تاراپ جاتىر. دەگەنمەن, رەسمي مالىمەت بويىنشا قيراۋلار نەمەسە اۋىر زارداپتار بايقالماعان.

تۇركييانىڭ اپاتتاردى باسقارۋ باسقارماسىنىڭ (AFAD) دەرەگىنشە, جەر سىلكىنىسىنىڭ وشاعى كالەدجيك اۋدانىندا, 11 شاقىرىمنان استام تەرەڭدىكتە ورنالاسقان. قازىرگى تاڭدا جاعداي باقىلاۋدا.