Қазақстандық боксшы Назым Қызайбай Ливерпульде өтіп жатқан әлем чемпионатында сенсациялық жеңіске қол жеткізді. Ол 48 келі салмақта Украина өкілі Ханна Охотаны айқын басымдықпен 5:0 есебімен ұтып, жартылай финалға жолдама алды, деп хабарлайды Shalqar.kz.

Бұл кездесу жанкүйерлерді ерекше қуантты, себебі Назым жекпе-жек барысында қарсыласына еш мүмкіндік бермеді. Енді ол финалға шығу үшін 13 қыркүйекте тағы бір маңызды айқас өткізеді. Қарсыласының есімі жақын күндері белгілі болады.

Айта кетейік, бүгін шаршы алаңға шығатын қазақстандық боксшылардың саны бесеу. Олардың төртеуі де финал жолдамасын сарапқа салмақ.