Mañğıstau oblısında qayğılı jol apatı tirkeldi. Qaraqiya audanı aumağında şağın avtobus audarılıp, 10 jolauşı köz jwmdı. Marqwmdardıñ barlığı Beket-Ata äulie kesenesine ziyarat etuge bara jatqan qazaqstandıqtar bolğan, dep habarlaydı Shalqar.kz.

Policiyanıñ aldın ala mälimetinşe, 11 qırküyekte Senek auılınan 90 şaqırım jerde Toyota Hiace köliginiñ jürgizuşisi rölge ie bola almay, kölik jol jiegine şığıp ketken. Saldarınan segiz adam oqiğa ornında, tağı ekeui auruhanağa barar jolda jan tapsırğan. Jürgizuşi men eki jolauşı auır jaraqatpen auruhanağa jatqızıldı.

Densaulıq saqtau basqarmasınıñ habarlauınşa, jansaqtau bölimine jetkizilgen 1964 jılı tuğan er adam men 1967 jılğı äyeldiñ jağdayı öte auır dep bağalanğan. Keyinnen bir nauqas sanitarlıq aviaciyamen oblıstıq auruhanağa jetkizildi. Al ekinşi nauqastıñ jağdayı twraqtalıp, bölimşege auıstırıldı. Sonday-aq 1960 jılğı tağı bir äyel travmatologiya böliminde em qabıldap jatır.

Qayğılı oqiğağa baylanıstı qılmıstıq is qozğaldı. Tergeu amaldarı jürgizilude, al qaza tapqandardıñ tuıstarın Mañğıstauğa jetkizu üşin İİM arnayı wşaq jiberdi.