Ливерпульде өтіп жатқан бокстан әлем чемпионатында қазақстандық боксшы Санжар Тәшкенбай жеңіс тұғырына көтерілді. Ол финалда қарсыласын айқын басымдықпен ұтып, ел қоржынына алғашқы алтын медальді алып берді, деп хабарлайды Shalqar.kz.

50 келіге дейінгі салмақтағы шешуші кездесуде Санжар моңғолиялық Алдарқхишиг Баттулгамен қолғап түйістірді. Жекпе-жек басталған сәттен-ақ біздің спортшы белсенді қимылдап, қарсыласына мүмкіндік берген жоқ. Үш раунд бойы айқын үстемдігін көрсеткен Тәшкенбай төрешілер шешімімен жеңіске жетті.

Осылайша, Санжар Тәшкенбай екі дүркін әлем чемпионы атанып, Қазақстан жанкүйерлеріне зор қуаныш сыйлады.