Қазақстандық боксшы Назым Қызайбай Ұлыбританияның Ливерпуль қаласында өткен әлем чемпионатында күміс медаль жеңіп алды. Бұл жетістік еліміздің құрамасы үшін маңызды нәтиже болды, деп хабарлайды Shalqar.kz.

48 келіге дейінгі салмақта финалға шыққан отандық спортшы үндістандық Минакшимен қолғап түйістірді. Бірінші раундта қарсыласы 4:1 есебімен басымдық танытса, екінші кезеңде Назым 3:2 есебімен қайта қарымта қайтарды. Алайда шешуші сәтте төрешілердің таңдауы үнді боксшысына берілді.

Осылайша, Назым Қызайбай ел қоржынына алғашқы күміс медальді салды. Бұл оның табандылығы мен шеберлігінің айқын дәлелі саналады.