Қазақстандық боксшы Махмұд Сабырхан Ливерпульде өтіп жатқан әлем чемпионатында жеңіс тұғырынан көрінді. Ол финалдық жекпе-жекте қарсыласын айқын ұтып, ел қоржынына екінші алтын медальді алып берді, деп хабарлайды Shalqar.kz.

55 келіге дейінгі салмақта сынға түскен Сабырхан испаниялық Рафаэль Лосано Серраномен қолғап түйістірді. Біздің спортшы үш раунд бойы сенімді өнер көрсетіп, әр сәтті бақылауда ұстады. Төрешілер бірауыздан жеңісті Махмұд Сабырханға берді.

Бұл жеңіспен Сабырхан екі дүркін әлем чемпионы атанып, Қазақстан жанкүйерлерін қуанышқа бөледі.