سينوپتيكتەر 19 قىركۇيەكتە ەلىمىزدىڭ 15 وبلىسىندا قولايسىز اۋا رايىنا بايلانىستى داۋىلدى ەسكەرتۋ جارييالادى, دەپ حابارلايدى Shalqar.kz.

قاراعاندى وبلىسىندا نايزاعاي ويناپ, بۇرشاق جاۋۋى مۇمكىن. تۇندە جانە تاڭەرتەڭ تۇمان تۇسەدى. قالا اۋماعىندا دا نايزاعاي كۇتىلەدى. الماتى وبلىسىندا دا نايزاعاي ويناپ, تاۋلى وڭىرلەردە تۇمان بولادى. تۇركىستان وبلىسى مەن شىمكەنتتە توتەنشە ورت قاۋپى ساقتالۋدا.

اباي وبلىسىندا جەلدىڭ ەكپىنى كۇشەيىپ, نايزاعاي بولادى. باتىس قازاقستاندا جانە اتىراۋ وبلىسىندا ورت قاۋپى جوعارى. اقتوبە وڭىرىندە دە جاعداي كۇردەلى: كەي ايماقتاردا توتەنشە ورت قاۋپى بار. جامبىل وبلىسىندا تاۋلى اۋدانداردا نايزاعاي مەن قاتتى جەل بولجانعان.

ماڭعىستاۋ وبلىسىندا نايزاعاي كۇتىلىپ, جەلدىڭ ەكپىنى سەكۋندىنا 20 مەترگە دەيىن جەتۋى ىقتيمال. پاۆلودار وبلىسىندا قاتتى جاڭبىر, بۇرشاق جانە داۋىل قاۋپى بار. جەتىسۋدا جەل كۇشەيىپ, ورت قاۋپى جوعارى دەڭگەيدە ساقتالادى.

اقمولا, قوستاناي جانە سولتۇستىك قازاقستان وبلىستارىندا تۇمان تۇسەدى, قوستانايدا كەي جەرلەردە ۇسىك جۇرەدى. شىعىس قازاقستاندا دا نايزاعاي مەن تۇمان كۇتىلەدى.

وسىلايشا, ماماندار تۇرعىندارعا اۋا رايىنىڭ قولايسىزدىعىنا بايلانىستى بارىنشا ساق بولۋدى ەسكەرتەدى.