Қазақстан спорт тарихында айтулы сәт! Хорватияның Загреб қаласында өтіп жатқан грек-рим күресінен әлем чемпионатында 60 келі салмақта белдескен қазақстандық Айдос Сұлтанғали алтын жүлдеге қол жеткізді, деп хабарлайды Shalqar.kz.

Финалда өзбекстандық Әлішер Ғаниевпен жолығып, қарсыласын айқын басымдықпен ұтқан Айдос ел қоржынына XXI ғасырдағы алғашқы алтын медальді алып берді. Бұл – Қазақстан үшін 26 жыл күткен тарихи жеңіс. Соңғы рет грек-рим күресінен ересектер арасындағы әлем чемпионатының биігіне 1999 жылы Афиныда Мхитар Манукян (63 кг) көтерілген еді. Осы уақыт аралығында Алмат Кебіспаев, Мейрамбек Айнағұлов, Демеу Жадыраев, Қорлан Жақанша, Ержет Жарлықасын сынды мықтылар алтынға бір қадам жақындағанымен, бас жүлде бұйырмаған болатын. Айдос Сұлтанғали – тәуелсіздік алғаннан бері әлем чемпионатының финалына шыққан оныншы қазақ балуаны.