Qazaqstan sport tarihında aytulı sät! Horvatiyanıñ Zagreb qalasında ötip jatqan grek-rim küresinen älem çempionatında 60 keli salmaqta beldesken qazaqstandıq Aydos Swltanğali altın jüldege qol jetkizdi, dep habarlaydı Shalqar.kz.

Finalda özbekstandıq Älişer Ğanievpen jolığıp, qarsılasın ayqın basımdıqpen wtqan Aydos el qorjınına XXI ğasırdağı alğaşqı altın medal'di alıp berdi. Bwl – Qazaqstan üşin 26 jıl kütken tarihi jeñis. Soñğı ret grek-rim küresinen eresekter arasındağı älem çempionatınıñ biigine 1999 jılı Afinıda Mhitar Manukyan (63 kg) köterilgen edi. Osı uaqıt aralığında Almat Kebispaev, Meyrambek Aynağwlov, Demeu Jadıraev, Qorlan Jaqanşa, Erjet Jarlıqasın sındı mıqtılar altınğa bir qadam jaqındağanımen, bas jülde bwyırmağan bolatın. Aydos Swltanğali – täuelsizdik alğannan beri älem çempionatınıñ finalına şıqqan onınşı qazaq baluanı.