Автор: ADMIN
الماتىدا تىركەلگەن جەر سىلكىنىسىنەن كەيىن قالا تۇرعىندارىنا الاڭداۋعا نەگىز جوق – تجد
بۇگىن الماتىلىقتار سمارتفوندارىنا جەر سىلكىنىسى تۋرالى جاپپاي حابارلاما العانىمەن, قالا ىشىندە دۇمپۋلەر سەزىلمەدى. وسىعان بايلانىستى الماتى قالاسى توتەنشە جاعدايلار دەپارتامەنتى (تجد) باسشىسىنىڭ مىندەتىن ۋاقىتشا اتقارۋشى دامير ەرماعامبەتوۆ بەينەۇندەۋ جاساپ, تۇرعىنداردى سابىر ساقتاۋعا شاقىردى, دەپ حابارلايدى Shalqar.kz.
ەرماعامبەتوۆتىڭ ايتۋىنشا, جاعداي تولىق باقىلاۋدا جانە سەيسمولوگتاردىڭ الدىن الا مالىمەتى بويىنشا قايتالاما دۇمپۋلەر بولمايدى. سونىمەن قاتار توتەنشە جاعدايلار مينيسترلىگى الماتىدا 2023 جىلدان بەرى جۇمىس ىستەپ كەلە جاتقان اۆتوماتتاندىرىلعان ەرتە ەسكەرتۋ جۇيەسى سەيسميكالىق تولقىندى دەر كەزىندە تىركەپ, قاۋىپ تۋرالى MassAlert جۇيەسى ارقىلى حابارلاعانىن مالىمدەدى. العاش بولىپ وقيعانى اقجار سەيسموستانتسيياسى تىركەگەن.
ايتا كەتەيىك, جەر سىلكىنىسى بۇگىن, 21 قىركۇيەكتە استانا ۋاقىتىمەن 16:25:19-دا الماتىدان 9 شاقىرىم وڭتۇستىك-باتىستا تىركەلدى. جەر استى دۇمپۋلەرىنىڭ ماگنيتۋداسى 3,8 بولدى.
Басқалармен бөлісе отырыңыз
Пікірлер
Басты жаңалықтар
Жанабыловтар ісі сотқа жолданды
Последние новости
Delo Janabılovıh napravleno v sud
دەلو جانابىلوۆىح ناپراۆلەنو ۆ سۋد
Дело Жанабыловых направлено в суд
