Bügin almatılıqtar smartfondarına jer silkinisi turalı jappay habarlama alğanımen, qala işinde dümpuler sezilmedi. Osığan baylanıstı Almatı qalası Tötenşe jağdaylar departamenti (TJD) basşısınıñ mindetin uaqıtşa atqaruşı Damir Ermağambetov beyneündeu jasap, twrğındardı sabır saqtauğa şaqırdı, dep habarlaydı Shalqar.kz.

Ermağambetovtiñ aytuınşa, jağday tolıq baqılauda jäne seysmologtardıñ aldın ala mälimeti boyınşa qaytalama dümpuler bolmaydı. Sonımen qatar Tötenşe jağdaylar ministrligi Almatıda 2023 jıldan beri jwmıs istep kele jatqan avtomattandırılğan erte eskertu jüyesi seysmikalıq tolqındı der kezinde tirkep, qauip turalı MassAlert jüyesi arqılı habarlağanın mälimdedi. Alğaş bolıp oqiğanı Aqjar seysmostanciyası tirkegen.

Ayta keteyik, jer silkinisi bügin, 21 qırküyekte Astana uaqıtımen 16:25:19-da Almatıdan 9 şaqırım oñtüstik-batısta tirkeldi. Jer astı dümpuleriniñ magnitudası 3,8 boldı.