الماتىلىق «قايرات» كومانداسىنىڭ جاس قاقپاشىسى شەرحان قالمۇرزا چەمپيوندار ليگاسىنداعى اسەرلى ويىنىمەن ەۋروپالىق مامانداردىڭ كوزىنە تۇستى, دەپ حابارلايدى Shalqar.kz.

ليسسابوننىڭ «سپورتينگىنە» قارسى وتكەن ماتچتان كەيىن يسپان جۋرناليسى داۆيد رۋيس لا ليگا كلۋبتارىنىڭ قازاقستاندىق قاقپاشىنى قازىردەن باستاپ باقىلاپ جۇرگەن بولۋى مۇمكىن ەكەنىن ايتتى. «مەن سەنىمدىمىن, «قايرات» ويىنشىلارىن سكاۋتتار «سەلتيككە» دەيىن دە نازاردا ۇستاعان. بىراق چەمپيوندار ليگاسىنىڭ نەگىزگى كەزەڭى – مۇلدە باسقا دەڭگەي. وسىنداي كورسەتكىشتەن سوڭ شەرحانعا ەۋروپانىڭ مىقتى چەمپيوناتتارىنان, سونىڭ ىشىندە لا ليگا كلۋبتارىنان دا قىزىعۋشىلىق بولۋى زاڭدى. ونىڭ بويىندا تاماشا قاسيەتتەر بار, ارى ول نەبارى 18 جاستا», – دەدى رۋيس Asnews.kz سايتىنا بەرگەن سۇحباتىندا.

شەرحان توپتىق كەزەڭنىڭ العاشقى كەزدەسۋىندە پەنالьتيدى قايتارىپ, جانكۇيەرلەردى تانتى ەتتى. «قايرات» 1:4 ەسەبىمەن جەڭىلگەنىنە قاراماستان, جاس قاقپاشىنىڭ سول سەيۆى ويىن كۇنىنىڭ ۇزدىك بەس سەيۆى قاتارىنا ەندى. بۇعان قوسا, Transfermarkt پورتالى ونىڭ ترانسفەرلىك قۇنىن جاڭارتىپ, قازىرگى باعاسىن 200 مىڭ ەۋروعا جەتكىزدى.