Германияның Котбус қаласында өткен батуттағы гимнастикадан Әлем кубогы кезеңінде Қазақстан құрамасы топ жарып, алтын медаль иеленді, деп хабарлайды Shalqar.kz.

Олимпиада комитетінің мәліметінше, Данил Мусабаев пен Никита Тумаков синхронды секіру бағдарламасында 52,200 ұпай жинап, қарсыластарын артта қалдырды. Екінші орынды 52,050 ұпаймен Германия спортшылары Кайо Локстерман мен Фабиан Фогель иеленсе, үшінші орынға 51,530 ұпай көрсеткен Ұлыбритания өкілдері Зак Перзаманос пен Кори Уолкс тұрақтады.

Бұл жеңіс қазақстандық спортшылардың халықаралық аренадағы жоғары деңгейін тағы бір дәлелдеп, ел намысын асқақтата түсті.