لوس-اندجەلەستە وتەتىن 2028 جىلعى وليمپياداعا دايىندىق ۇشىن حالىقارالىق وليمپيادا كوميتەتىنىڭ (حوك) جەكەلەي ستيپەنديياسىنا يە بولعان قازاقستاندىق سپورتشىلار انىقتالدى, دەپ حابارلايدى Shalqar.kz.

بۇل باعدارلاما سپورتشىلاردى تورتجىلدىقتىڭ باستى دوداسىنا ىرىكتەۋ كەزەڭىندە جانە دايىندىق بارىسىندا قولداۋعا باعىتتالعان. قازاقستان ۇلتتىق وليمپيادالىق كوميتەتى ۇلتتىق فەدەراتسييالارمەن جانە حوك-پەن بىرلەسىپ ۇمىتكەرلەردى تاڭدادى. گەندەرلىك تەڭدىك ساقتالىپ, ار سپورت تۇرىنەن بىر ەر جانە بىر ايەل سپورتشى ۇسىنىلدى.

ستيپەندييا وقۋ-جاتتىعۋ جيىندارىنا, جەكە دايىندىقتارعا, باپكەرلەر ەڭبەكاقىسىن تولەۋگە, مەديتسينالىق قىزمەتكە جانە ساقتاندىرۋعا جۇمسالادى.

باعدارلاماعا ەنگەن قازاقستاندىقتار قاتارىندا ايدا ابىكەەۆا مەن ساعىندىق توعامباي (بوكس), عۇسمان قىرعىزباەۆ پەن ابيبا ابۋجاقىنوۆا (دزيۋدو), ميلاد كاريمي (گيمناستيكا), رۋسلان كۋربانوۆ (سەمسەرلەسۋ), يسحار كۋرباەۆ (گرەك-ريم كۇرەسى), ريزابەك ايتمۇحان (ەركىن كۇرەس) جانە تاعى باسقا سپورتشىلار بار. بۇل مۇمكىندىك ولارعا وليمپيادا-2028 ويىندارىنا ساپالى دايىندىق جۇرگىزۋگە جول اشادى.