Qazaqstanda älemge äygili «Aport» almasınıñ biregey sortın qayta jañğırtu isi jüyeli türde qolğa alınuda, dep habarlaydı Shalqar.kz.

Auıl şaruaşılığı ministri Aydarbek Saparov Qazaq jemis-kökönis şaruaşılığı ğılımi-zertteu institutınıñ «Talğar» aymaqtıq filialına barıp, jobanı iske asıru barısın talqıladı. Köşpeli keñes barısında «2025–2028 jıldarğa arnalğan “Aport” sortın qayta jañğırtu» jol kartasınıñ orındaluı boyınşa esepter tıñdalıp, özekti mäseleler men olardı şeşu tetikteri qarastırıldı.

Joba ayasında ötken jılı Joñğar Alatauı wlttıq parkinde Sivers jabayı almasınıñ 60 mıñ twqımı jinalıp, arnayı alqaptarğa egildi. Sonımen qatar 0,7 gektar aumaqta köşethana salındı. Biılğı aqpanda 0,5 gektar jerde qısqı egu jürgizilip, nätijesinde «Aport» sortınan 2100 tüp köşet ösirildi. Küzde 10 gektar aport bağı otırğızılıp, 2027 jılğa qaray mwnday alqaptıñ jalpı kölemin 110 gektarğa jetkizu josparlanıp otır.

Qırküyek ayında institut bazasında «Baq küni» şarası ötip, selekcioner-ğalımdar özderiniñ jaña zertteu nätijeleri men bolaşaqtağı josparların tanıstırdı. Bwl bastama Memleket basşısınıñ tapsırmasına säykes jüzege asıp otır. «Aport» – qazaq jeriniñ simvolı äri qwndı mädeni mwra retinde qaytadan öz biigine köterilui tiis degen maqsat alğa qoyılğan.