بۇگىن, 30 قىركۇيەكتە الماتى ورتالىق ستاديونىندا وتەتىن “قايرات” پەن “رەال مادريد” اراسىنداعى تاريحي ويىنعا وراي قالادا جول قوزعالىسىنا ۋاقىتشا شەكتەۋلەر ەنگىزىلەدى. پوليتسييا دەپارتامەنتى تۇرعىندار مەن قوناقتاردى الدىن الا جولىن جوسپارلاپ الۋعا شاقىردى, دەپ حابارلايدى Shalqar.kz.

قالالىق پد مالىمەتىنشە, ماتچ كەزىندە پوليتسييا كۇشەيتىلگەن قىزمەت اتقارۋ رەجيمىنە كوشكەن. قوعامدىق تارتىپتى ساقتاۋ جانە ازاماتتاردىڭ قاۋىپسىزدىگىن قامتاماسىز ەتۋ ۇشىن كەشەندى شارالار قابىلداندى. اسىرەسە ستاديون ماڭىندا كولىك قوزعالىسىنا ۋاقىتشا شەكتەۋلەر قويىلادى.

پوليتسييا تۇرعىنداردان تۇسىنىستىك تانىتىپ, قوزعالىس سحەماسىن ەسكەرۋدى سۇرايدى. 

“ازاماتتارعا تۇسىنىستىك تانىتقانى جانە قولداۋ كورسەتكەنى ۇشىن العىس ايتامىز. بۇل –قوعامدىق قاۋىپسىزدىكتى قامتاماسىز ەتۋگە, ىس-شارانىڭ جايلى وتۋىنە باعىتتالعان ۋاقىتشا قابىلدانعان شارالار”, – دەلىنگەن رەسمي حابارلامادا.

ەسكە سالا كەتەيىك, چەمپيوندار ليگاسىنىڭ توپتىق كەزەڭىندەگى “قايرات” – “رەال مادريد” ماتچى بۇگىن ساعات 21:45-تە باستالادى. بۇعان دەيىن پوليتسييا جانكۇيەرلەرگە قوزعالىستاعى وزگەرىستەرگە دايىن بولۋدى ەسكەرتكەن ەدى.