UEFA Чемпиондар лигасының негізгі кезеңіндегі екінші ойында қазақстандық “Қайрат” әлемнің ең мықты клубтарының бірі – мадридтік “Реалға” қарсы шықты. Көптен күткен кездесуде алаң иелері табандылық танытқанымен, матч 0:5 есебімен аяқталды, деп хабарлайды Shalqar.kz.

Алғашқы минуттардан-ақ алматылық команда белсенді ойын көрсетті. Шабуылшы Дастан Сәтпаев баспен қақпаға бағыттаған добын Тибо Куртуа қайтарып үлгерді. Бұдан кейін де бірнеше қауіпті сәт туындағанымен, есеп ашылмады.

26-минутта “Қайрат” қорғаушылары өз айып алаңында қателік жасап, Килиан Мбаппе пенальтиден мүлт кеткен жоқ. Бірінші тайм “Реалдың” 1:0 есебіндегі басымдығымен аяқталды.

Екінші кезеңде мадридтік клуб тәжірибесін көрсетті. Мбаппе тағы екі мәрте мергендігін танытып, Камавинга да гол соқты. Қосымша уақыт берілгенімен, есеп өзгермеді. Қорытындысында ойын 0:5 есебімен аяқталды.

Айта кетейік, “Қайрат” алғашқы турда Португалияның “Спортингінен” 1:4 есебімен ұтылған болатын. Алдағы кезеңдерде алматылықтар Италияның “Интері”, Англияның “Арсеналы”, Бельгияның “Брюггесі”, Грекияның “Олимпиакосы”, Кипрдің “Пафосы” және Данияның “Копенгагенімен” кездеседі. Жалпы команда 8 ойында бақ сынайды: төртеуі өз алаңында, төртеуі сырт алаңда өтеді.