UEFA چەمپيوندار ليگاسىنىڭ نەگىزگى كەزەڭىندەگى ەكىنشى ويىندا قازاقستاندىق “قايرات” الەمنىڭ ەڭ مىقتى كلۋبتارىنىڭ بىرى – مادريدتىك “رەالعا” قارسى شىقتى. كوپتەن كۇتكەن كەزدەسۋدە الاڭ يەلەرى تاباندىلىق تانىتقانىمەن, ماتچ 0:5 ەسەبىمەن اياقتالدى, دەپ حابارلايدى Shalqar.kz.

العاشقى مينۋتتاردان-اق الماتىلىق كوماندا بەلسەندى ويىن كورسەتتى. شابۋىلشى داستان ساتپاەۆ باسپەن قاقپاعا باعىتتاعان دوبىن تيبو كۋرتۋا قايتارىپ ۇلگەردى. بۇدان كەيىن دە بىرنەشە قاۋىپتى سات تۋىنداعانىمەن, ەسەپ اشىلمادى.

26-مينۋتتا “قايرات” قورعاۋشىلارى وز ايىپ الاڭىندا قاتەلىك جاساپ, كيليان مباپپە پەنالьتيدەن مۇلت كەتكەن جوق. بىرىنشى تايم “رەالدىڭ” 1:0 ەسەبىندەگى باسىمدىعىمەن اياقتالدى.

ەكىنشى كەزەڭدە مادريدتىك كلۋب تاجىريبەسىن كورسەتتى. مباپپە تاعى ەكى مارتە مەرگەندىگىن تانىتىپ, كاماۆينگا دا گول سوقتى. قوسىمشا ۋاقىت بەرىلگەنىمەن, ەسەپ وزگەرمەدى. قورىتىندىسىندا ويىن 0:5 ەسەبىمەن اياقتالدى.

ايتا كەتەيىك, “قايرات” العاشقى تۋردا پورتۋگالييانىڭ “سپورتينگىنەن” 1:4 ەسەبىمەن ۇتىلعان بولاتىن. الداعى كەزەڭدەردە الماتىلىقتار يتالييانىڭ “ينتەرى”, انگلييانىڭ “ارسەنالى”, بەلьگييانىڭ “بريۋگگەسى”, گرەكييانىڭ “وليمپياكوسى”, كيپردىڭ “پافوسى” جانە دانييانىڭ “كوپەنگاگەنىمەن” كەزدەسەدى. جالپى كوماندا 8 ويىندا باق سىنايدى: تورتەۋى وز الاڭىندا, تورتەۋى سىرت الاڭدا وتەدى.