1 قىركۇيەكتەن باستاپ ەلىمىزدىڭ مەكتەپتەرى, بالاباقشالارى, كوللەدجدەرى مەن ساۋىقتىرۋ لاگەرьلەرىندە تاماقتانۋدىڭ جاڭا ەرەجەلەرى ەنگىزىلدى. جاڭا تالاپ بالالاردىڭ دەنساۋلىعىنا زيياندى تاعامداردى شەكتەپ, پايدالى ونىمدەردىڭ ۇلەسىن ارتتىرۋعا باعىتتالعان, دەپ حابارلايدى Shalqar.kz.

ستاندارت دەنساۋلىق ساقتاۋ مينيسترلىگى مەن وقۋ-اعارتۋ مينيسترلىگى تاراپىنان يۋنيسەف, ددۇ جانە قازاق تاماقتانۋ اكادەميياسىمەن بىرلەسىپ دايىندالعان. بۇدان بىلاي اس مازىرىندە شۇجىق پەن قاقتالعان تاعامدار بولمايدى, ال تاتتى گازدالعان سۋسىنداردىڭ ورنىنا سۋ, سۇت, ايران, جەمىس شايى جانە از قانتتى كومپوت بەرىلەدى.

قر دسم سانيتارييالىق-ەپيدەميولوگييالىق باقىلاۋ كوميتەتى توراعاسىنىڭ ورىنباسارى نۇرقان سادۋاقاسوۆتىڭ ايتۋىنشا, ەندى بالالار تۇز بەن قانتتى از تۇتىنىپ, كوكونىس پەن سۇت ونىمدەرىن كوبىرەك پايدالانادى.

«سونىمەن قاتار, ستاندارت العاش رەت شاعىن جيناقتالعان مەكتەپتەردە تاماقتانۋدى ۇيىمداستىرۋعا قويىلاتىن جەكە تالاپتاردى; ارنايى ديەتالىق قاجەتتىلىكتەرى بار بالالاردى تاماقتاندىرۋعا قويىلاتىن تالاپتاردى قامتيدى جانە “جەۋگە جارامسىزدىق يندەكسى” ۇعىمى ەنگىزىلدى,» – دەدى ول وكق الاڭىندا وتكەن دوڭگەلەك ۇستەلدە.