20 qazannan bastap Qazaqstanğa keybir kölik türlerin äkeluge resmi türde tıyım salınadı. Jaña talaptar Euraziyalıq ekonomikalıq komissiyanıñ (EEK) 23 mamırdağı №45 şeşimine säykes engizilip otır, dep habarlaydı Shalqar.kz.

Bwl qwjat “Döñgelekti kölik qwraldarınıñ qauipsizdigi turalı” tehnikalıq reglamentke özgerister engizudi közdeydi. Endi “jekelegen kölik qwralı” wğımı jañaşa tüsindiriledi. Qazaqstan azamattarı jeke paydalanu üşin tek belgili bir sanattağı kölikterdi ğana şetelden äkele aladı.

20 qazannan keyin elge tek tömendegi kölikterdi äkeluge rwqsat beriledi:

• jeñil avtokölikter (medicinalıq maqsattağı arnayı kölikterden basqa);
• jolsız jermen jüretin tehnikalar – kvadrociklder, motovezdehodtar, snoubayktar (jarıs kölikterin qospağanda);
• motociklder, motorollerler jäne mopedter;
• şağın jük kölikteri men 12 orınğa deyingi mikroavtobustar;
• tolıq salmağı 5 tonnadan aspaytın jük kölikteri (radioaktivti material tasımaldaytın kölikterden basqa).

Al auır jük kölikteri, avtobustar jäne keybir arnayı tehnika türlerin elge kirgizuge tıyım salınadı. Sonımen qatar ärbir kölik qwralı qauipsizdik sertifikatına ie boluı mindetti. Onsız kölikti kedendik räsimdeuge, tehnikalıq pasport aluğa, utilizaciyalıq tölem töleuge nemese memlekettik tirkeuge qoyuğa bolmaydı.

Ayta keteyik, 2026 jıldan bastap qazaqstandıq jürgizuşiler öz avtokölikteriniñ nömirin erkin tañday aladı. Mäselen, standarttı nömir 12 110 teñge twrsa, 010, 070, 090 sekildi nömirlerdiñ bağası 246 525 teñgeden bastaladı. Al 111, 222, 999 siyaqtı erekşe nömirler — 592 525 teñge, VIP-nömirler (001, 007, 777 jäne t.b.) — 986 100 teñge twradı. Tipti 123AZA01 sekildi öz kombinaciyañızdı jasauğa da mümkindik bar — onıñ bağası 43 250 teñge boladı.