Comex تاۋار بيرجاسىندا التىن باعاسى بۇرىن-سوڭدى بولماعان كورسەتكىشكە جەتىپ, بىر ۋنتسيياسى 3 900 دوللاردان استى, دەپ حابارلايدى Shalqar.kz.

بۇل — قارجى نارىعى تاريحىنداعى ەڭ جوعارى باعا. ساراپشىلار مۇنى اقش ۇكىمەتى جۇمىسىنىڭ ۋاقىتشا توقتاۋ قاۋپىمەن جانە ينۆەستورلاردىڭ “قاۋىپسىز اكتيۆتەرگە” دەگەن قىزىعۋشىلىعىنىڭ ارتۋىمەن بايلانىستىرىپ وتىر. سونىمەن قاتار, فەدەرالدى رەزەرۆتىك جۇيەنىڭ پايىزدىق مولشەرلەمەلەردى تومەندەتۋى مۇمكىن دەگەن بولجام دا باعا وسۋىنە اسەر ەتكەن.

دۇنيەجۇزىلىك التىن كەڭەسىنىڭ ەسەبىنە سايكەس, قازان ايىندا قازاقستان ۇلتتىق بانكى التىندى ەڭ كوپ ساتىپ العان ەلدەردىڭ كوشىن باستادى. ونىمەن قاتار بولگارييا مەن سالьۆادوردىڭ ورتالىق بانكتەرى دە بەلسەندى تۇردە التىن قورىن ارتتىرعان.

ال وزبەكستاندا, كەرىسىنشە, 2025 جىلدىڭ قازان ايىندا التىن تاپشىلىعى بايقالعان. ەلدىڭ ورتالىق بانكى مالىمەتىنشە, 3 قازاندا استاناداعى بانكتەردە نەبارى 17 قۇيما عانا قالعان. بۇعان دەيىن التىننىڭ قۇنى 3 800 دوللاردان اسقانى حابارلانعان ەدى — ال بۇگىن بۇل كورسەتكىش جاڭا رەكورد ورناتتى.