9-11 قازان ارالىعىندا الماتىدا New Vision Forum 2025 وتەدى — بۇل ەكونوميكا مەن قوعام بولاشاعىن تالقىلاۋعا ارنالعان ەۋرازيياداعى باستى الاڭداردىڭ بىرىنە اينالا الاتىن اۋقىمدى شارا. وسى كۇندەرى قالا تەك ىسكەرلىك ورتالىق قانا ەمەس, سونىمەن قاتار كاسىپكەرلەر, ينۆەستورلار, سۋرەتشىلەر مەن قوعامدىق باستامالار كوشباسشىلارىنىڭ مۇددەلەرى توعىساتىن, وڭىردىڭ مادەني استاناسىنا دا اينالادى, دەپ حابارلايدى Shalqar.kz.

فورۋمدى ۇيىمداستىرۋشىلار — YPO Kazakhstan مەن Nobel Fest پلاتفورماسى — ونى ۇزاق باياندامالارى بار كونفەرەنتسييا رەتىندە ەمەس, تولىققاندى ەكوجۇيە رەتىندە ويلاستىرعان. 30 مىڭ شارشى مەتر اۋماقتا ساحنالار, كورمە پاۆيلьوندارى, شەبەرلىك ساباقتارى مەن كەلىسسوزدەر وتەتىن ناعىز «بيزنەس-قالا» پايدا بولادى, مۇندا ار كەزدەسۋ كەلىسىممەن اياقتالۋى مۇمكىن. فورۋمعا 20 ەلدەن 7000-نان استام قاتىسۋشى جانە 100-دەن استام كومپانييا-ەكسپونەنت جينالادى دەگەن بولجام بار.