Дастан Сәтпаевтың алдағы матчтарда Қазақстан құрамасы сапында ойнамайтыны туралы хабардан кейін футболшы Instagram желісіндегі парақшасында жанкүйерлеріне жазба жариялады, деп хабарлайды Shalqar.kz.

"Қайрат" шабуылшысы Дастан Сәтпаев ұлттық құраманың алдағы ойындарына қатыса алмайтынын растады.

"Өкінішке қарай ұлттық құраманың соңғы ойындарына қатыса алмаймын. Соңғы матчта жарақатым болып. Медициналық штаб ұлттық құраманың ойындарына қатысуға шектеу қойды. Жаттығу жасап ертерек денсаулығымды қалпына келтіруге тырысып жатырмын. Барлықтарыңыздың қолдауларыңызға көп рақмет", - деп жазды Дастан.

Еске салсақ, бұған дейін футболшы Дастан Сәтпаев ұлттық құраманың Лихтенштейн және Солтүстік Македонияға қарсы алдағы ойындарына қатыспайтыны белгілі болған еді. Бұл туралы Қазақстан футбол федерациясы мәлімдеді.