داستان ساتپاەۆتىڭ الداعى ماتچتاردا قازاقستان قۇراماسى ساپىندا وينامايتىنى تۋرالى حاباردان كەيىن فۋتبولشى Instagram جەلىسىندەگى پاراقشاسىندا جانكۇيەرلەرىنە جازبا جارييالادى, دەپ حابارلايدى Shalqar.kz.

"قايرات" شابۋىلشىسى داستان ساتپاەۆ ۇلتتىق قۇرامانىڭ الداعى ويىندارىنا قاتىسا المايتىنىن راستادى.

"وكىنىشكە قاراي ۇلتتىق قۇرامانىڭ سوڭعى ويىندارىنا قاتىسا المايمىن. سوڭعى ماتچتا جاراقاتىم بولىپ. مەديتسينالىق شتاب ۇلتتىق قۇرامانىڭ ويىندارىنا قاتىسۋعا شەكتەۋ قويدى. جاتتىعۋ جاساپ ەرتەرەك دەنساۋلىعىمدى قالپىنا كەلتىرۋگە تىرىسىپ جاتىرمىن. بارلىقتارىڭىزدىڭ قولداۋلارىڭىزعا كوپ راقمەت", - دەپ جازدى داستان.

ەسكە سالساق, بۇعان دەيىن فۋتبولشى داستان ساتپاەۆ ۇلتتىق قۇرامانىڭ ليحتەنشتەين جانە سولتۇستىك ماكەدونيياعا قارسى الداعى ويىندارىنا قاتىسپايتىنى بەلگىلى بولعان ەدى. بۇل تۋرالى قازاقستان فۋتبول فەدەراتسيياسى مالىمدەدى.