7 اقپان كۇنى قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەميياسىندا پولьشا رەسپۋبليكاسىنىڭ قازاقستانداعى ۋاقىتشا سەنىمدى وكىلى ميحال لابەندا قازاق تىلىندە دارىس وقىدى. ول وزىنىڭ بايانداماسىن “پولьشانىڭ ەۋروپالىق وداق قۇرامىنداعى 20 جىلدىعى” تاقىرىبىنا ارنادى, دەپ حابارلايدى Shalqar.kz.

دارىستىڭ قازاق تىلىندە وتۋى كوپشىلىكتى تاڭعالدىردى ارى ەرەكشە اسەر قالدىردى. ميحال لابەندا قازاق تىلىن ەركىن مەڭگەرگەن, بۇل ونىڭ تىلگە جانە مادەنيەتكە دەگەن قۇرمەتىن كورسەتەدى. ديپلوماتتىڭ پىكىرىنشە, تىلدى بىلۋ – سول حالىقتىڭ مادەنيەتى مەن رۋحىن تۇسىنۋدىڭ نەگىزگى جولى.

ايتا كەتەيىك, ميحال لابەندا قازاق تىلىنە كەزدەيسوق قىزىقپاعان. ول 1999 جىلى ال-فارابي اتىنداعى قازاق ۇلتتىق ۋنيۆەرسيتەتىن شىعىستانۋ ماماندىعى بويىنشا ۇزدىك اياقتاعان. ديپلومدىق جۇمىسىن “اراب تىلىنەن قازاق تىلىنە باعىنىڭقى قۇرمالاس سويلەمدەردىڭ اۋدارما ۇلگىلەرى” تاقىرىبىندا قورعاعان.

پولьشا ديپلوماتى قازاق تىلىنەن بولەك ازەربايجان, اعىلشىن, اراب, نەمىس, ورىس, وزبەك جانە فرانتسۋز تىلدەرىن دە مەڭگەرگەن.