7 aqpan küni Qazaqstan Respublikasınıñ Prezidenti janındağı Memlekettik basqaru akademiyasında Pol'şa Respublikasınıñ Qazaqstandağı uaqıtşa senimdi ökili Mihal Labenda qazaq tilinde däris oqıdı. Ol öziniñ bayandamasın “Pol'şanıñ Europalıq Odaq qwramındağı 20 jıldığı” taqırıbına arnadı, dep habarlaydı Shalqar.kz.

Däristiñ qazaq tilinde ötui köpşilikti tañğaldırdı äri erekşe äser qaldırdı. Mihal Labenda qazaq tilin erkin meñgergen, bwl onıñ tilge jäne mädenietke degen qwrmetin körsetedi. Diplomattıñ pikirinşe, tildi bilu – sol halıqtıñ mädenieti men ruhın tüsinudiñ negizgi jolı.

Ayta keteyik, Mihal Labenda qazaq tiline kezdeysoq qızıqpağan. Ol 1999 jılı äl-Farabi atındağı Qazaq wlttıq universitetin Şığıstanu mamandığı boyınşa üzdik ayaqtağan. Diplomdıq jwmısın “Arab tilinen qazaq tiline bağınıñqı qwrmalas söylemderdiñ audarma ülgileri” taqırıbında qorğağan.

Pol'şa diplomatı qazaq tilinen bölek äzerbayjan, ağılşın, arab, nemis, orıs, özbek jäne francuz tilderin de meñgergen.