سوڭعى 15 جىلدا ەلىمىزدە مۇمكىندىگى شەكتەۋلى بالالاردىڭ سانى ەكى ەسەدەن استام وسىپ, بۇگىندە شامامەن 117 مىڭعا جەتتى. ولاردىڭ ىشىندە 11,8 مىڭى – اۋتيزم سپەكترىندەگى بۇزىلىستارى بار بالالار. ەرەكشە قاجەتتىلىكتەرى بار بالالارعا ۋاقتىلى جانە ساپالى كومەك كورسەتۋ ماسەلەسى «AMANAT» پارتيياسى جانىنداعى مۇگەدەكتىگى بار ادامداردىڭ ينكليۋزيياسى جونىندەگى رەسپۋبليكالىق كەڭەستىڭ وتىرىسىندا قارالدى, دەپ حابارلايدى Shalqar.kz.

جيىندا تالقىلانعانعان نەگىزگى باعىتتاردىڭ بىرى – ەرتە ارالاسۋ جۇيەسىن دامىتۋ. بۇگىندە ەلىمىزدە «AMANAT» پارتيياسىنىڭ سايلاۋالدى باعدارلاماسى اياسىندا اشىلعان 200-دەن استام ورتالىق جۇمىس ىستەيدى. بۇل ورتالىقتاردىڭ مىندەتى – بالانىڭ دامۋ ەرەكشەلىكتەرىن ەرتە كەزدەن انىقتاپ, كەشەندى قولداۋ كورسەتۋ.

وسى رەتتە پارتييا حاتشىسى شولپان كارينوۆا بىلىم جانە دەنساۋلىق ساقتاۋ سالالارى اراسىنداعى وزارا ناتيجەلى جۇمىستىڭ جەتكىلىكسىزدىگى سالدارىنان جۇيەنىڭ تيىمدىلىگى تومەندەگەنىن اتاپ وتتى.

«بىلىم جانە دەنساۋلىق ساقتاۋ ۆەدومستۆولارى اراسىندا وزارا جۇمىس جۇيەلى جۇرگىزىلمەگەندىكتەن, بالالار قاجەتتى كومەكتى ۋاقىتىندا الا الماي وتىر. بىز ار بالاعا بالاباقشادان باستاپ مەكتەپكە دەيىن جانە ودان كەيىن دە جەكە قولداۋ كورسەتۋ جۇيەسىنە كوشۋىمىز كەرەك. كەم دەگەندە پيلوتتىق رەجيمدە قولدانىسقا ەنگىزۋ كەرەك. سوندا عانا ار بالانىڭ الەۋمەتتىك بەيىمدەلۋىن جانە جەكە تۇلعا رەتىندە دامۋىن بايقاي الامىز», – دەدى ول. 

وز كەزەگىندە ماجىلىس دەپۋتاتى, كەڭەس توراعاسىنىڭ ورىنباسارى ناتالьيا دەمەنتьەۆا اتا-انالاردان كەلىپ تۇسەتىن شاعىمداردىڭ كوپ ەكەنىن اتاپ وتتى.

وتىرىستىڭ قورىتىندىسى بويىنشا كەڭەس ەرەكشە بالالاردى قولداۋدىڭ قولجەتىمدى تۇرلەرىن دامىتۋ جونىندە بىرقاتار ۇسىنىستار ايتتى. اتاپ ايتقاندا, وڭالتۋ ورتالىقتارىنا بالاما رەتىندە پسيحولوگييالىق-پەداگوگيكالىق تۇزەتۋ كابينەتتەرىنىڭ جەلىسىن كەڭەيتۋ, اۋتيزم سپەكترىندەگى بالالارعا ارنالعان كۇندىزگى بەيىمدەۋ مۇمكىندىگىن قاراستىرۋ, بىلىم بەرۋ باعدارلامالارىن جەتىلدىرۋ جانە مىنەز-قۇلىق تالداۋشىسى ماماندىعىن ەنگىزۋ ۇسىنىلدى. سونىمەن قاتار قاتىسۋشىلار قازاق تىلىندەگى وقۋ-ادىستەمەلىك ماتەريالداردىڭ تاپشىلىعىن جانە شاعىن جەكە ورتالىقتاردىڭ قارجىلىق تۇراقسىزدىعىن دا كوتەردى. بارلىق ۇسىنىستار جيناقتالىپ, «AMANAT» پارتيياسى تاراپىنان باقىلاۋعا الىندى.