Gaza sektorındağı palestinalıq däriger Husam Äbu Safiyanıñ beybitşilik salasındağı Nobel' sıylığına wsınıluı soğıs kezinde öz mindetterin atqarudı jalğastırğan medicina qızmetkerleriniñ erligin moyındau boldı, dep habarlaydı Shalqar.kz.

Onıñ kandidaturasın wsınu turalı bastama därigerdiñ erekşe batıldığı men adamgerşiligin moyındağan Niderlandtıñ Doctors for Gaza wyımına tiesili. Onıñ kandidaturasın qoldağan peticiyağa 40 mıñnan astam adam qol qoyğan. 

Gaza sektorındağı däriger birneşe ayğa sozılğan qorşau kezinde tözimdilik pen adamgerşiliktiñ simvolına aynaldı. Qorqıtu men üzdiksiz atqılauğa qaramastan, ol pacientterin tastap ketuden bas tartıp, 2024 jıldıñ jeltoqsanında Izrail' küşteri twtqındağanğa deyin auruhanada qalıp otırdı.

Qorğauşısınıñ mälimetinşe, doktor Äbu Safiya qazir Izrail' biliginiñ qolında sotsız jäne auır jağdayda qamauda otır, bwl onıñ densaulığına keri äserin tigizip otır, dep habarlaydı palestinalıq BAQ.

Eske sala ketsek, 2024 jıldıñ qazan ayında därigerdiñ 15 jasar wlı Ibrahim Izrail' şabuılı kezinde qaza tapqan. Däriger Husam soğan qaramastan wstalğanğa deyin auruhanada jwmısın jalğastırdı.

Därigerdiñ äyeli Al'bina Äbu Safiya men olardıñ balaları — Qazaqstan azamattarı. Olar tamız ayında Gaza sektorınan evakuaciyalanıp, qazir qauipsiz jerde ornalasqan. Qazaqstan däriger Äbu Safiyanıñ otbasına baspana berip, olarğa soğıs jürip jatqan Palestina anklavınan evakuaciyalau kezinde gumanitarlıq kömek körsetti.

Beybitşilik salasındağı Nobel' sıylığınıñ laureattarı 10 qazan, jwma küni belgili boladı.

Biıl Nobel' sıylığına 338 ümitker wsınıldı. Olardıñ arasında AQŞ prezidenti de boluı mümkin.