الماتىدا كولىك قوزعالىسىن رەتكە كەلتىرۋ جانە كەپتەلىستەردىڭ الدىن الۋ ماقساتىندا بىرنەشە جول قيىلىسىنا جاڭا جول تاڭباسى – «ۆافەلьنيتسا» سىزىلدى, دەپ حابارلايدى Shalqar.kz.

الماتى پوليتسييا دەپارتامەنتىنىڭ مالىمەتىنشە, بۇل تاڭبا اباي – نازارباەۆ, اباي – مومىشۇلى جانە تولە بي – روزىباكيەۆ كوشەلەرىنىڭ قيىلىستارىندا پايدا بولعان.

«ۆافەلьدى» تاڭبانىڭ ماقساتى – جۇرگىزۋشىلەرگە قيىلىس بوس بولماسا, وعان كىرۋگە بولمايتىنىن ەسكەرتۋ. ول قازاقستان رەسپۋبليكاسىنىڭ جول قوزعالىسى قاعيدالارىندا كوزدەلگەن جانە كولىك اعىنىن تيىمدى باسقارۋعا باعىتتالعان.

– بۇل شارا جيى كەزدەسەتىن جاساندى كەپتەلىستەردىڭ سانىن ازايتۋعا باعىتتالعان. مۇنداي جاعدايلار كوبىنەسە جۇرگىزۋشىلەردىڭ بوس ەمەس قيىلىسقا شىعۋىنان تۋىندايدى. جاڭا تاڭبا كولىك قوزعالىسىن رەتكە كەلتىرىپ, جول قاۋىپسىزدىگىن ارتتىرۋعا كومەكتەسەدى, - دەدى الماتى پوليتسييا دەپارتامەنتى اكىمشىلىك پوليتسييا باسقارماسىنىڭ باستىعى اسحات قۇلباەۆ.

ەسكە سالايىق, بۇعان دەيىن الماتى اكىمدىگى جولداعى كەپتەلىستى ازايتۋ ۇشىن بىرنەشە شارانى قولعا العان ەدى. سونىڭ ىشىندە جۇمىس ۋاقىتىنىڭ كەستەسىن وزگەرتۋ جانە كەيبىر قىزمەتكەرلەردى قاشىقتان جۇمىسقا كوشىرۋ بار.