9-11 قازان ارالىعىندا الەمدىك جانە جەرگىلىكتى كوشباسشىلار بيزنەس, تەحنولوگييا مەن مادەنيەت بولاشاعى تۋرالى سويلەسكەن, ال ساحنا سىرتىندا ناقتى كەلىسىمدەر جاسالعان ىس-شارا — New Vision Forum 2025 وتتى, دەپ حابارلايدى Shalqar.kz.

بارلىعى — 20+ ەلدەن 5000+ قاتىسۋشى, 50+ كومپانييا-ەكسپونەنت, ونداعان سەسسييالار, ۆوركشوپتار مەن پيتچتەر.

فورۋمنىڭ رەسمي اشىلۋى اياسىندا الماتى قالاسىنىڭ اكىمى دارحان ساتىبالدى ىس-شارانىڭ نەگىزگى سپيكەرلەرىنىڭ بىرى — Priceline.com/Booking.com, uBid.com كومپانييالارىنىڭ نەگىزىن قالاۋشى, ينۆەستور جانە جاھاندىق كاسىپكەر دجەفف حوففمانمەن كەزدەستى.
فورۋمنىڭ ماڭىزدى ناتيجەلەرىنىڭ بىرى — كرەاتيۆتى يندۋسترييالاردى: كينو مەن انيماتسييا, مۋزىكا, ديزاين, ويىندار, تسيفرلى كونتەنت پەن ساۋلەتتى دامىتۋعا باعىتتالعان Creative Capital Fund قالالىق تىكەلەي ينۆەستيتسييالار قورىن قۇرۋ تۋرالى كەلىسىمگە قول قويۋ بولدى.

Creative Capital Fund-تىڭ باستاپقى كاپيتاليزاتسيياسى 21 ملرد تەڭگەنى ($40 ملن) قۇرايدى. ونىڭ ىشىندە 10 ملرد تەڭگە قالالىق بيۋدجەتتەن بولىنەدى, تاعى 11 ملرد تەڭگە ينۆەستورلاردان, ونىڭ ىشىندە شەتەلدىك ينۆەستورلاردان تۇسەدى.

«الماتى كرەاتيۆتى يندۋسترييانىڭ جەتەكشى ورتالىعى مارتەبەسىن ساقتاپ كەلەدى… قوردىڭ ىسكە قوسىلۋى قالالىق ەكونوميكاعا سەرپىن بەرىپ, الماتىنىڭ ەلدىڭ قارجىلىق جانە ىسكەرلىك ورتالىعى رەتىندەگى رولىن تولىقتىرادى», — دەپ الماتى اكىمى دارحان ساتىبالدى اتاپ وتتى.

رەسپۋبليكا سارايى, «قازاقستان» جانە Novotel قوناق ۇيلەرىنىڭ زالدارىندا روبين شارما (كوشباسشىلىق بويىنشا بەستسەللەرلەر اۆتورى), دجەفف حوففمان (كاسىپكەر جانە ينۆەستور; Priceline/Booking نەگىزىن قالاۋشى, uBid.com نەگىزىن قالاۋشىلاردىڭ بىرى), تريپ حوكينس (Electronic Arts نەگىزىن قالاۋشى), ۋري لەۆين (Waze نەگىزىن قالاۋشى), ماكس حوۆارد (پروديۋسەر, Disney/Warner-دىڭ بۇرىنعى توپ-مەنەدجەرى) جانە باسقالار سوز سويلەدى. ولارعا قازاقستاندىق كاسىپكەرلەر مەن باسقارۋشىلار قوسىلدى — ايدىن راحيمباەۆ (BI Group), قانات كوپباەۆ (Kusto), نۇرلان سماعۇلوۆ (Astana Group), ارسەن تومسكيي (inDrive), گاۋحار قاپپاروۆا (G&G), سامات داۋموۆ (GRATA International سەرىكتەسى, MYD كومپانيياسىنىڭ تەڭ يەسى) جانە باسقالار.

نەگىزگى باعدارلامامەن قاتار ۇش كۇن بويى كومپانييالاردىڭ وسۋى مەن ترانسفورماتسيياسىنا ارنالعان شەشىمدەر كورمەسى — New Vision Expo ۇلكەن قىزىعۋشىلىق تۋدىردى, ول فورۋمنىڭ پراكتيكالىق وزەگى جانە «بيزنەس قالاسى» بولدى.

بىر الاڭدا — 50+ ەكسپونەنت, ولاردىڭ قاتارىندا Bereke Bank, N1 Broker, BI GROUP, Lancaster Group, Kusto Home, BCC Invest, Eurasia Motors, «ەميرمەد» كلينيكاسى, RS Group, IC GROUP, Burkit Finance, Q Group, TAS FINANCE GROUP, NurBank, Freedom Telecom, Invictus, Meloman جانە باسقا دا جەتەكشى كومپانييالار.

فورۋمدى ۇيىمداستىرۋشىلار — الماتى قالاسى اكىمدىگىنىڭ قولداۋىمەن Nobel Fest پلاتفورماسى مەن YPO Kazakhstan.

فورۋمنىڭ باس سەرىكتەسى جانە بانكى — Bereke Bank, ستراتەگييالىق سەرىكتەسى — BI Group حولدينگى, رەسمي اۋە تاسىمالداۋشىسى — Air Astana, رەسمي سەرىكتەستەرى — N1 Broker, حالىقارالىق Lancaster Group حولدينگى, Kusto Group حولدينگى, Diamond اتتى پرەميۋم جوباسى بار Kusto Home كومپانيياسى, Genesis, Chatium برەندتەرىمەن Astana Motors, MYD production, Q Group جانە Kinopark كينوتەاترلار جەلىسى, مەدياسەرىكتەستەرى — Forbes Kazakhstan, Tan media group, كتك تەلەارناسى جانە Sport +.