Qızılorda oblısı Jañaqorğan audanınıñ ortalığındağı «Iqılas» meşitinde Qwran Kärimnen oblıstıq qarilar bayqauı ötti. Şara «Qojakent» auılınıñ irgetasın qalauşılardıñ biri, auılşaruaşılıq salasınıñ ardageri, qoğam qayratkeri Amantay Äpetwlı men Batır ana Wldanay qajı Äbdikerimqızın eske aluğa arnaldı, dep habarlaydı Shalqar.kz.

   Şara maqsatı – marqwmdardı eske ala otırıp, Qwran ilimin nasihattau, jas qarilardıñ talabın qoldau jäne wmıt bolmas ruhani ortanı qalıptastıru.

   Bayqauğa jas ta, eresek te qarilar qatısıp, qasietti Qwran ayattarın körkem mänermen, täjuid erejesine say jatqa oqıp, körermenniñ erekşe ıqılasına bölendi.

    Eki atalım boyınşa ötken bayqauğa 40-tan asa qarilar qatıstı. Qarilar konkursına oblıstıñ bilikti din mamandarı qazılıq etti. Bayqau jeñimpazdarı Äpetovter äuletiniñ demeuşiligimen bağalı sıylıqtarmen marapattaldı.

    Birinşi atalım boyınşa Bas jüldege ie bolğan Jwmabay Darınğa Umra qajılıq saparına joldama berildi. 1-orındı  Mırzabek Dinmwhammed,  2-orındı Jaqsıbek Nwrswltan, 3-orındı Begäli Rahat iemdenip, bağalı sıylıqtarğa ie boldı.

   Ekinşi atalım boyınşa  Bas jülde - Umra qajılıq saparına joldama Qaldıbay Baubek wstazğa berildi. 1-orın Tañat Jandäuletke, 2-orın - Nariman Ramazanğa, 3-orın - Ismaylov Amirullağa berildi.

   İs-şaranı Jañaqorğan audanınıñ bas imamı Nametov Abdihalıq Mahmutwlı, audannıñ naib imamı Sızdıq Nwrjigit Azamatwlı joğarı deñgeyde wyımdastırsa, «Qubyla Travel» kompaniyasınıñ basşısı Quanış Äset Erjigitwlı üzdik şäkirttiñ wstazına Umra qajılıq saparına joldama sıylap quanttı.

    Iman men ilim toğısqan, jürekterdi ruhani närge bölegen erekşe şara – Qarilar bayqauı joğarı deñgeyde ötti.

     Marqwmdarğa Qwran kärimdi hatımdağan audan meşitiniñ imamdarına, osınau izgi şaranı wyımdastıruşılarğa jäne qatısuşılarğa  Äpetovter äuleti alğıstarın bildirdi.

   Qasietti Qwran dauısı jürekterde jañğıra bersin!