«قوجاكەنت» اۋىلىنىڭ ىرگەتاسىن قالاۋشىلاردىڭ بىرى, اۋىلشارۋاشىلىق سالاسىنىڭ ارداگەرى, قوعام قايراتكەرى امانتاي اپەتۇلىن ەسكە الۋ ماقساتىندا شاعىن فۋتبولدان تۋرنير وتتى. بۇل تۋرنير – تەك سپورتتىق جارىس قانا ەمەس, ەڭبەك مايتالمانىنا دەگەن تاعزىم بەلگىسى ەدى. جاستار مەن ارىپتەستەر ارداگەردىڭ ونەگەلى جولىن ەسكە الىپ, بىرلىك پەن دوستىقتى پاش ەتتى.

   ەرەسەكتەر اراسىنداعى دودا وبلىس كولەمىندە ۇيىمداستىرىلدى. تۋرنيرگە شىمكەنت, تاراز, تۇركىستان, قىزىلوردا قالالارى, شيەلى, جاڭاقورعان اۋداندارى, تۇگىسكەن, قوجاكەنت, سۋناقاتا, بىرلىك اۋىلىنىڭ فۋتبول كوماندالارى قاتىستى. جۇلدە قورى: بىرىنشى ورىن 500 مىڭ تەڭگە, ەكىنشى ورىن - 300 مىڭ تەڭگە, ۇشىنشى ورىن -200 مىڭ تەڭگە, تورتىنشى, ىنتالاندىرۋ سىيلىعى 100 مىڭ تەڭگە كولەمىندە بەلگىلەندى. ەكى كۇنگە جالعاسقان دوپ دوداسىندا بىرىنشى ورىنعا تۇركىستاننان كەلگەن «شالقار» كومانداسى يە بولسا, ەكىنشى ورىنعا جاڭاقورعاننىڭ «ەرنۇر», ۇشىنشى ورىنعا تۇركىستاننىڭ «بەكزات», تورتىنشى ورىندى قوجاكەنتتىك جاستار كومانداسى يەلەندى.

     ۇرپاقتار ساباقتاستىعى مەن قۇرمەت داستۇرىن دارىپتەگەن فۋتبول تۋرنيرى ساتتى وتتى. كەزدەسۋ تارتىستى ارى جوعارى كوڭىل-كۇيدە وتتى. قاتىسۋشىلار تەك شەبەرلىگىن ەمەس, ۇرپاقتار اراسىنداعى سىيلاستىقتى, قۇرمەتتى كورسەتتى.

ەڭبەگىمەن ەلگە ۇلگى بولعان ارداگەردىڭ ەسىمى ۇمىتىلماق ەمەس!

#ەڭبەكارداگەرى #فۋتبولتۋرنيرى #قۇرمەت #جاستارجانەسپورت