سينوپتيكتەر دەمالىس كۇندەرى ەل اۋماعىندا كۇن رايى قانداي بولاتىنىن بولجادى, دەپ حابارلايدى "قازگيدرومەت" رمك-عا سىلتەمە جاساعان Shalqar.kz.

مەتەورولوگتاردىڭ حابارلاۋىنشا, كۇشتى انتيتسيكلوننىڭ اسەرىنەن قازاقستان اۋماعىنىڭ باسىم بولىگىندە جاۋىن-شاشىنسىز كۇن رايى ساقتالىپ وتىر.

سولتۇستىك وڭىرلەردە تۇنگى ۋاقىتتا اۋا تەمپەراتۋراسى تومەندەگەنىمەن, كۇندىز +5…+10°س شاماسىندا جىلى بولادى.

ال وڭتۇستىك وڭىر تۇرعىندارىن التىن كۇز الى دە قۋانتادى. كۇندىز بۇل ايماقتاردا اۋا تەمپەراتۋراسى +15…+20°س-قا دەيىن كوتەرىلەدى دەپ كۇتىلەدى.

الداعى كۇندەرى تەك ەلىمىزدىڭ سولتۇستىك-باتىسىندا جانە وڭتۇستىك-شىعىسىنداعى تاۋلى ايماقتاردا اتموسفەرالىق فرونتتاردىڭ اسەرىنەن جاۋىن-شاشىن (جاڭبىر, قار) تۇسۋى ىقتيمال.