Qazaqstanda alğaş ret oquşılar arasında qarjılıq sauattılıq pen cifrlıq qauipsizdik boyınşa olimpiada ötedi. Bwl turalı Oqu-ağartu ministrlgine silteme jasağan Shalqar.kz habarlaydı.

Vedomstvonıñ mälimetinşe, "Darın" respublikalıq ğılımi-praktikalıq ortalığı alğaş ret 9-11 (12) sınıp oquşılarına arnalğan qarjılıq sauattılıq pen cifrlıq qauipsizdik boyınşa respublikalıq olimpiada ötkizu bastamasın kötergen.

"Bwl joba oquşılardıñ qarjı salasındağı bilimin arttıruğa, qarjılıq jauaptılıq pen cifrlıq qauipsizdik mädenietin qalıptastıruğa bağıttalğan", - delingen habarlamada.

Olimpiadanıñ birinşi (mektepişilik) kezeñi 17 qazanda barlıq öñirde oflayn formatta ötedi. Qatısuşılar 30 swraqtan twratın test tapsırmasın 60 minut işinde orındaydı. Üzdik nätije körsetken 30 oquşı kelesi kezeñge joldama aladı.

Barlığı tört kezeñnen twratın olimpiadanıñ finalı 2026 jıldıñ mamır ayında Astana qalasında ötedi.

Qorıtındı kezeñde är öñir men respublikalıq bilim beru wyımdarınan üzdik 150-den astam oquşı baq sınaydı.