قازاقستاندىق تەننيسشى ەلەنا رىباكينا قىتايدىڭ نينبو قالاسىندا وتىپ جاتقان WTA 500 تۋرنيرىنىڭ جەڭىمپازى اتاندى. بۇل تۋرالى Shalqar.kz حابارلايدى.

وتاندىق سپورتشى اقتىق سىندا الەمنىڭ 10-راكەتكاسى, رەسەيلىك ەكاتتەرينا الەكساندروۆامەن وزارا مىقتىنى انىقتادى.

تارتىستى كەزدەسۋ ۇش سەت بويى جالعاسىپ, رىباكينانىڭ جەڭىسىمەن اياقتالدى. قورىتىندى ەسەپ - 3:6, 6:0, 6:2.

تەننيسشىلەر كورتتا ەكى ساعات وتكىزدى. بۇل ۋاقىتتا قازاقستاندىق سپورتشى ۇش قاتەلىك جىبەرىپ, تورت برەيك-پوينت جاسادى.

وسىلايشا قازاقستاننىڭ بىرىنشى راكەتكاسى تۋرنيردىڭ جەڭىمپازى اتانىپ, 500 ۇپايعا يە بولدى. الەمدىك رەيتينگ جاڭارتىلعاننان كەيىن ەلەنا بىر ورىنعا كوتەرىلىپ, الەمنىڭ سەگىزىنشى راكەتكاسى بولادى.

بۇل رىباكينا ۇشىن وسى جىلداعى ەكىنشى فينال بولدى. مامىر ايىندا تەننيسشى فرانتسييالىق ستراسبۋرگتەگى WTA 500 تۋرنيرىندە جەڭىسكە جەتكەن بولاتىن.