Qazaqstandıq tennisşi Elena Rıbakina Qıtaydıñ Ninbo qalasında ötip jatqan WTA 500 turniriniñ jeñimpazı atandı. Bwl turalı Shalqar.kz habarlaydı.

Otandıq sportşı aqtıq sında älemniñ 10-raketkası, reseylik Ekatterina Aleksandrovamen özara mıqtını anıqtadı.

Tartıstı kezdesu üş set boyı jalğasıp, Rıbakinanıñ jeñisimen ayaqtaldı. Qorıtındı esep - 3:6, 6:0, 6:2.

Tennisşiler kortta eki sağat ötkizdi. Bwl uaqıtta qazaqstandıq sportşı üş qatelik jiberip, tört breyk-poynt jasadı.

Osılayşa Qazaqstannıñ birinşi raketkası turnirdiñ jeñimpazı atanıp, 500 wpayğa ie boldı. Älemdik reyting jañartılğannan keyin Elena bir orınğa köterilip, älemniñ segizinşi raketkası boladı.

Bwl Rıbakina üşin osı jıldağı ekinşi final boldı. Mamır ayında tennisşi franciyalıq Strasburgtegi WTA 500 turnirinde jeñiske jetken bolatın.